Burun korreksiyası üçün fərqli dolğu maddələri istifadə edilməkdədir. Bunların içərisində bütün dünyada ən məşhur və etibarlı olanı “Hyaluron turşusu” tərkibli təbbi dolğu maddələridir.

İstifadə olunan dolğunun növünə, miqdarına və pasientin bioloji xüsusiyyətlərinə bağlı olaraq dolğunun qalıcılıq müddəti 6 ilə 18 ay arasında dəyişir. 10-15 dəqiqədə reallaşdırılan əməliyyatsız burun korreksiyası nəticəsində siz 18 aya qədər arzu etdiyiniz burun formasına sahib olursunuz. Dolğunun təsiri keçdikdən prosedur təkrarlana bilər.

Son zamanlar istifadə olunan hidrofilik gellərin tətbiqi ilə prosedurun qalıcılıq müddəti 5-8 ilə qədər artırılmışdır.

Burun dolğusu ilə nələr edilə bilər?

-Burun əyrilikləri tamamilə aradan qaldırıla və ya yüngülləşdirilə bilər.

-Burun ucu qaldırıla bilər.

-Burunda simmetriya problemləri həll edilə bilər.

-Rinoplastika əməliyyatı nəticəsində yaranan problemlər aradan qaldırıla bilər.

-Burun kəməri düzəldilə bilər.

-Burunun alına birləşən yerində boşluqlar doldurula bilər.

Əməliyyat sonrası istənilən nəticələrin əldə edilə bilmədiyi hallarda əməliyyatsız burun korreksiyası ilə problemin həlli mümkündür. Beləliklə, xəstə ikinci dəfə əməliyyat olmaqdan qurtulmuş olur.